HESHIISKII DFKMGS IYO REER C. CADDAAN OO BEDELEY JEWIGII SIYAASADA SOOMALIYA.

Shacabka Soomaliyeed meel-kasta oo ay joogaan Gudaha iyo Dibadaba, gaar ahaan kuwa ku daalay qurbaha ee u hiloobay sidii ay mar uun dib ugu noqon lahaayeen Wadankoodii hooyo ( home desire),waxaa rejo weyn oo fiican geliyay heshiiska dhowaan Wadanka Jabouti ku dhex-marey DFKMGS, reer Cumar Caddaani, Maxamed Deylaaf, Eng. Cabdulqadir Maxamed Noor ( Enow), Sheekh Axmed Noor Cali Jimcaale , Bashiir Raage Shiirar iyo qaar kale oo badan.

Shirkaas Jabouti ku dhex-marey Dawladda Federaalka ee uu hoggaaminaayay madaale mideeye nabad-doon R/W Prof. Cali Maxamed Geeddi iyo Mas'uuliyiinta kor ku xusan, wuxuu Soomalidu meel-kasta oo ay joogaan bilaabeen ka had-lidda waxa fiican (optimism), meeshii awel 18 sano ku dhowaad looga hadli jirey waxa xun oo kaliya ,

Qurba-joogta Soomaliyeed waxay qireysaa inay dhab ka aheyd hadal uu dhowr jeer ku cel-celiyey Madaale Mideeye R/W Prof. Cali Maxamed Geeddi oo ahaay " DFKMGS ka daali-mayso nabada Soomaliya inay u foosho geed gaaban iyo geed dheer"

Umad culeys saaran yahay, marka Rabbi ka qaadi rabo culeyskii, waxaa jira calaamooyin lagu garto, sidaas aawadeed waxay shacabka Soomaliyeed yidid-diilo fiican ka filaayaa Heshiiskii eey dhowaan ay kala sixiixdeen Boqortooyadda Sacuudi Carabiya iyo Wafdigii uu hoggaaminaayay Samata-bixiye Madaxweyne Mudane Cabdullahi Yuusuf Axmed oo ay-na ka mid ahaayeen Ra'iisul Wasaareha DFKMGS Prof. Cali Maxamed Geedi, Guddoomiyaha Baarlamaanka KMGS, Sheekh Aaden Madoobe iyo 400 ergooyin oo ka qeyb-galey shirkii dib u heshiisiinta Qaran ee beelaha Soomaliyeed oo lagu qabtey caasimadda Soomaliya ee Muqdisho bishii la soo dhaafay.


Gabagabaddii, laga soo billaabo heshiiskii DFKMGS iyo reer Xaaji Cumar Caddaan Caamir ku dhex-marey Waddanka aan Walaalaha nahay ee Jabouti iyo kan Boqortooyadda Sacuudi Carabiya iyo DFKMGS eey dhowaan ku kala sixiixdeen Jeddah Sacuudi Carabiya, shacabka Soomaliyeed 95% waxey rumeysan yihiin inay dhammaatay shidaddii Soomaliya oo soo jiitamaysay ku dhowaad 18 sano.


Mohamoud Ghedi Aw Hilowle
Rochester, Minnesota
 

RSTV NEWSROOM

Newsroom@rstvonline.com

© RSTV 2007. All Rights Reserved