Jaaliyada Beesha Mudulood ee North America oo qaadacday hadalkii ka soo yeeray Axmed C/salaan

GUDOOMIYAHA BEESHA MUDULOOD EE NORTH AMRICA OO TAAGERAY WARKII KA SOO YEERAY Gud.G. BANADIR Mohamed Omar Habeeb (M. Dheere). Gudoomiyaha ayaa waxuu shir jara’id ku qabtay qadka telefoonka ee (Teleconference) beesha Mudulood ee kula sugan North America iyo Yurub waxaana shirka jara’id ka soo baxay in dusha canbaareyn looga tuuro R/was are Ku xigenka ahna wasirka warfaafinta Ahmed C/Salaan. Waxaa wax lala yaabo ah in Wasiir nin sheeganaaya ahna R/was are ku xigeen inuu garan waayo shaqadiisa waxay tahay (Job Description) isagoo uga dan leh ujeedo ugaara. Ma uusan dhihin wasiirka arimaha gudaha ayaa dhawaan ku dhawaaqaya in maamul loo sameeyo gobolka Banaadir ee siduu asiga jeclaa ayuu u hadlay waana dhageeysanay qudbada Axmed C/salaan.

Waxaan halkan dhaleecayn dusha uga tuuraynaa Axmed C/salaan taasoo ah inuu isku dir iyi bur bur la daba joogo Dowlada Federaalka ah uuna doonayo inuu buuq ka dhaliyo Gobol maamul leh dekadiisa iyo airporkiisu shaqeynayo walibana miisaaniydna leh. Waxaana aad uga xunahay hadaan nahay beesha Mudulood ee North America in ruux masuul sheeganayo uu ku hadaaqo hadaladaa iyo kuwa la mid ah islamarkaana aanba garanayn waxa uu Federaal yahay iyo waliba inuu hilmaamay in uu booska uu joogu uu ku yimid 4.5 ee aysan soo dooren Axmed C/salaam shacabka Soomaaliyeed marka side ayuu ugu hadaaqay in deegaan uusan AB IYO ISIR uusan ka soo jeedin xubinimo qabiilna uusan ku helin inuu yiraahdo maamul shacabka soo doortay ayaan ka dhisaynaa Gobolkaas Banaadir.

waxaan halkaan hadaan nahay beesha Mudulood ugu baaqeeynaa Dowlada uu R/wasaaraha ka yahay Dr. Nuur Cadde inay ka fiirsato talaabooyinka deg degta badan ee wasiirada ka tirsan xukuumada la soo baxday taasoo u keeni karta inay shacabka ay kasbatay dib u lumen doonto. Waxaan halkan ka cadeynaynaa in aan taageersanahay dowalda federaaliga ah iyo waliba Gudoomiyaha Gobolka Banaadir Mudane Mohamed Omar Habeeb (M. Dheere) xaqna uu u lee yahay deeganka uu masuulka ka yahay haday noqota mid qab’iil waxuu u helay miisaan. Waxaan shacabka Soomaaliyeed u sheegaynaa inuu Banaadir tahay caasimad Soomaaliyed taas uusan macnaheedu ahayn haday meeshu caasimad tahay maamumla gobolkaas inuu meesha ka baxayo. Madaxtooyada iyo dhamaan xuramaha dowlada ayay u madax banana yihiin dowlada shacabkana qabiil walbo uu degi karo laakiin maamulka wali waxaa loga danbeyn doona Beesha meesha degan nasiibkana u yeelatay inay dhulkooda caasimad u naqatay. Waxaana xasuusinaynaa Axmed C/salaan, Gud. Mohamed Dheere inuusan gudoomiye ka ahayn Dhuuso mareeb ama Mudug ee uu masuul ka yahay degaanka uu ka soo jeedo hayb ahaan mana garan karno waxa ku qasbay sal fudeydka Ahmed C/Salaan.
Waxaan leenahay “WALAAL AHMED HA ISKU XIRIN NACEYBKA QOFEED IYO SAMATABIXINTA DADKAAGA IYO DALKAAGA”

Wabilaahi Towfiiq
Caaqil Xaaji Maxamud Cali Jimcale (Koogaar)
koogaar@yahoo.com

 

13432093

© RSTV 2008. All Rights Reserved