RSTV NEWS.Ma jirtaa in shirkii dib u heshiisiinta ee la qaban lahaa bisha dib loo dhigey.

Ma jirtaa in shirkii dib u heshiisiinta ee la qaban lahaa bisha dib loo dhigey.

Waxaa maalmo ka hor soo baxayey warar sheegeya in shirkii loogu talagaley dib u heshiisiinta Soomaalida uu dib u dhacey wararkaasna waxaa laga heley ilo si hoose uga soo xigtey siyaasiin ka tirsan dowladda KMG ah, waxaana markiiba soo baxay hadalo lagu beeninayo warkaasi.

Hadaba Wakiilka Jaamacadda Carabta ee Somaliya Samir Xusni ayaa shaaca ka qaaday in shirkaasi ,dib loo dhigay illaa bartamaha bisha May, sababo la xiriira dhinaca ammaanka Magaalada Muqdisho.

Samiir Xusni ayaa warkan shalay ka sheegay magaalada Qaahira ee dalka Masar isagoo dib u dhacan ku macneeyey inay sababeen dagaalada iyo iska hor imaadyada ka jira magaalada Muqdisho waxaana uu sheegay inay jiraan dad badan oo ka qaxayaMagaalada Muqdisho.

Ilaa iyo hadda ma jiro war xaqiijinaaya dib u dhigista shirka dib u heshiisiinta Qaran ee ka soo baxay Dowladda federaalka Soomaaliya,waxeyna dowlada ku adkeysaneysaa qbsoomida shirkaas mudadii ay u qabatay oo aheyd 16-ka Abriil.

Sida laga dareemayo dhaqdhaqaaqyada ka socda agagaarka xafiisyada Dowladda ee Muqdisho iyo Baydhabo ma muuqdaan astaamo sheegaya inay shirkaas dib u dhac ku yimid waxaase la qiyaasi karaa inaan lagu dhameystiri karin maalmaha harey hawshii shirkaasi u baahnaa taasina waxay caddeynaysaa inaan shirkaasi qabsoomi karin wakhtigan la joogo.

RSTV NEWSROOM

Newsroom@rstvonline.com