RSTV NEWS.

Muqdisho oo maanta daganeyd iyo meydkii dagaalada ku dhintey oo la gurayo

Xaaladda Magaalada Muqdisho ayaa deggen maalintii saddexaad, waxsaana saakay ka billowday Muqdisho in waddooyinka laga nadiifiyo mayadkii ku dhintay dagaalladii dhawaan ka dhacay caasimadda oo muddadii dagaallada ay socdeen yaallayhalkii ay ku dhinteen waxaana la bilaabey in la aaso.

Dadka rayidka ah ee ku dnintay dagaallada ayaa lagu wadaa in lagu aaso maanta Magaalada Muqdisho, inksatoo aysan jirin howsha aasitaanka dadkaas oo la bilaabay, waxaase ay arrintaan qayb ka ahayd heshiis sida la sheegey ay shalay gaareen odayaal ka tirsan Beelaha Hawiye iyo saraakiisha Dowlada Ethiopia ee xamar ku sugan.

Waxaa kale oo iyana jirta in maydadka ku jira goobaha ay dagaallada ka dhaceen Maalmihii la soo dhaafay ayaa waxaa ka mid ah ciidammo Ethiopian ah oo la sheegay inay ku dhinteen dagaalladii ka dhacay Muqdisho oo qaarkood la sheegay inay ku jireen goobaha dagaalka.

Dagaaladan ayaa galaaftey nolosha boqollaal qof oo Soomaali ah iyo askar badan oo ka tirsan kuwa Ethiopia ee ka dagaalamay goobaha ay dagaalladu ka dhaceen, waxaana la sheegay in lagu wado in maydadka Ethiopian-ka loo raro dhanka dalka Ethiopia, halka dadka Soomaalida ah ee ku dhintay dagaallada lagu wado in lagu aaso Muqdisho.

Si kastaba ha ahaatee waxaa la filayaa in xaaladda Muqdisho ay kasoo rayso maalmaha foodda inagu soo haya wasa haddii la isku afgarto waan waanta hadda jirta iyo xabad joojinta lagu dhawaaqey waxaana jirta kumanaan dad ah oo iyagu dibad seexad ah kana huleeley guryahoodii cabsida dagaalada awgeed.

RSTV NEWSROOM

Newsroom@rstvonline.com