Madaxweyne Bush ayaa soo dhaweeyey Pob-ka Masiixiga oo booqanaya Ameerika.

Madaxweynaha Mareykanka George Bush  oo ay la socoto afadiisa Laura ayaa si diiran u soo dhaweeyey Pope Benedict XVI oo isaga Maanta soo gaarey dalka Mareykanka ioo uu socdaal maalmo ah ku joogi doono.

Pob-ka oo kasoo dagey garoon ay leeyihiin ciidamada cirka ee Mareykanka oo lagu magacaabo Andrew Air force Base kuna yaalla Maryland ayaa waxaa halkaasi kaga hortagay Madaxweyne Bush waana markii ugu horreysay ee Bush uu meel ka baxsan Washington ku soo dhaweeyo qof madax ah oo ka socda dalalka dibadda sida caadiga ahna M/weynaha Mareykanku garoonka kuma soo dhaweeyo madaxda kale ee dunida.

Dadka ka faalooda arrimaha siyaasadda ayaa sheegey in sababta Bush uu sida weyn ugu soo dhaweeyey Pop-ka ay tahay isagoo ogsoon in dalka Mareykanka ay ku nool yihiin dad badan oo Catholic ah uuna doonayao in dadkaasi ay ku soo xirmaan ama si fiican ugu soo dhawaadaan xisbigiisa iyadoo lagu jiro sanadkii doorshada Mareykanka.

Dad badan oo taagnaa wadada ayaa markii uu wadaadku galayey baabuurkii loogu talagaley waxay ku qeylinayeen erayo duco iyo soo dhaweyn isugu jira waxaana ka mid ahaa iyagoo lahaa dhalasho wacan iyagoo ula jeeday wadaadka oo 81 jirsadey Arbacadii ina dhaaftey.

Pope-ku waxaa uu joogi doona Mareykanka 6 maalmood waxaana uu hadal kajeedin doonaa xarunta QM oo lagu qaban doono xuska 60 guurada xuquuqul insaanka waxaana la filayaa inuu ku baaqo in aan la adeegsanin xoog milatery marka ay dhacdo arrin la isku khilaafo.

RSTV NEWSROOM

Newsroom@rstvonline.com

13432093

© RSTV 2008. All Rights Reserved