Cadaado oo mar kale gashey gacanta kooxaha dowladda ka horjeeda.

Xoogag hubeysan ayaa soo galey gudaha magaalada Cadaado oo maalmo ka hor ay dagaalo ka dhaceen waxaana la sheegayaa in ciidanka soo galey magaalada ay yihiin kuwii maalmihii ina dhaafey qabsadey Cadaado.

Imaatinka ciidankan ayaa la sheegey inay keeni karto dagaal ay kala hor- yimaadaan ciidamad Itoobiya oo iyagu halkaasi ku sugnaa maalmahan kuwaasi oo degaan ka sameystey meesha lagu magaabo Balli Higis oo ku dhaw magaalada Cadaado.

Si kastaba ha ahaatee dadka degaanka ayaa waxaa lasoo daristey cabsi aad u badan waxaana la arkayey magaalada oo ay dadku ku xaroonayaan guryahooda markii ay arkeen ciidanka soo galey magaalada, sidoo kale waxaa albaabada loo laabey goobihii ganacsiga ee ku yaalley magaalda Cadaado.

RSTV NEWSROOM

Newsroom@rstvonline.com

13432093

© RSTV 2008. All Rights Reserved