Dekedda Kismaayo oo dib loo furey ka dib markii ay xirneyd maalmo.

Dekedda weyn ee magaalada Kismaayo ayaa maanta dib loo hawl galiyey ka dib markii ay maalmihii la soo dhaafey u xirneyd khilaaf ka dhex jirey maamulka gacanta ku haya Kismaayo iyo ganacsatada wax kala soo dagta.

Wararaku waxaa ay sheegayaan in la xalliyey khilaafaad ka dhex jirey maamulka iyo ganacsatada magaalada kuwaqasi oo isku mari la'aa wax yaabo aan aad loo shaacinin waxaana la sheegayaa in haatan wixii ka dambeeya hawsha dekeddu ay si caadi ah u socon doonto isla markaana laga wada shaqeyn doono sidii wax waliba caadi ugu soo noqon lahaayeen.

Furitaanka dekedda ayaa waxay aad ugu wanaagsantahay dadka degaanka waxaana ay sheegeen inay taasi kaga baxsanayaan sicir barar ku yimaada wax yaabaha aasaasiga ah ee ay dadku quutaan

Waxaa soo noqnoqonayey xirnaanshaha degedda weyn ee Kismaayo waxaana jirtay in magaaladaasi aaney lahayn maamul la isku wada raacsan yahay ka dib markii maamulkii uu soo magacaabey Madaxweynaha Federaalku C/laahi Yusuf halkaasi laga eryey bishii April ee  sanadkii  2007dii.

RSTV NEWSROOM

Newsroom@rstvonline.com

13432093

© RSTV 2008. All Rights Reserved