Dowladda Soomaaliya oo shir ka yeelatey arrimaha burcadda lagu hayo Faransiiska.

Dowladda KMG ah goleheeda wasiirada ayaa maanta waxaa ay ka shireen sida ay u arkaan wixii laga yeeli lahaa 6 ruux oo u dhalatey Soomaaliya isla markaanaa ahaa Burcad Badda ku qafaasha Maraakiibta ganacsiga oo lagu hayo dalka Faransiiska.

Kulankaas oo uu guddoominyey wasiirka 1aad ee dowladda Federaalka KMG ah Mudane Nur Xasan Xuseen ayaa waxaa lagu lafa gurey talaabada laga qaadanayo arrinta raggaas Burcadda ah oo ku xiran xabsiyada dalka Faransiiska ka dib markii ay dhawaan afduubeen markab dalxiis oo laga leeyahay isla Faransiiska.

Goluhu waxaa ay sheegeen inay taagesan yihiin qabashada nimankaas iyagoo beesha caalamkana ugu baaqey in isku meel looga soo wada jeesto dadka ka qowlaysta badaha ee wax yeelada u geysta dadka iyo hantida badda isaga goosheysa.

Golaha wasiiraqdu waxaa ay sheegeen in dowladda caalamka ay ka codsanayaan inay gacan ka geystaan joojinta Burcadda ka jirta badaha ku xeeran Soomaaliya.

Si kastaba ha ahaatee waa markii ugu horreysay ee Burcad Soomaali ah ay gacanta u galaan dal ay ka qafaasheen Markab waxaana dalka Faransiiku sheegey inuu ka war sugayo dowladda Soomaaliya si Maxkamad loo soo taago raggas laga soo qabtey xeebaha Soomaaliya.

RSTV NEWSROOM

Newsroom@rstvonline.com

13432093

© RSTV 2008. All Rights Reserved