RSTV NEWS.Haweenka Beesha Mudulood oo Walaac Ka Muujiyay Xaalada Deegaanada Beeshu Degto.

Haweenka Beesha Mudulood oo Walaac Ka Muujiyay Xaalada Deegaanada Beeshu Degto.

Rochester, MN: Gudiga Farsamada Haweenka Beesha Mudulood ee ku dhaqan Gobolka Minnesota ayaa waxay isku yimaadeen shir deg deg ah kaas oo ku saab sanaa walaaca ay ka muujiyeen xaaladaha cusub ee abaaraha iyo nabad galyo xumada ka jirta degaanada ay degto Beesha Mudulood.

Waxay shirkaasa kaga hadleen abaaraha iyo nabad galyo xumada sii kordheysa ee ka jira degaanadaas waxayna isku afgarteen gudigaas farsamo in wax laga qabto shacabka beesha Mudulood ee ka soo qaxay xaalada adage ee ka jirta caasimada magaalada Muqdisho ka jirto kuwaas oo u baahan in si deg deg ah dhaqaale iyo dawooyin loogu diro xarumaha ay ku sugan yihiin sababtoo ah Cisbitaalada oo aan haysan dawooyin ku filan.

Waxaa kaloo haweenka beesha Mudulood ay dareenkooda ku muujiyeen dilalka aan loo dulqaadin Karin ee ka jira degaanda beeshu degto kuwaas oo lala beegsado waxgaradka beesha. Waxayna isla goobta ku taageereen hadaladii dhawaan ka soo yeeray afhayeenka beesha mudulood Md. Muxyadiin Hassan Afrah uu dhawaan warbaahinta ka sii daayay inaan loo dulqaadan doonin dilalka iyo dagaalada loo soo xawilay deegaanada Mudulood talaabana laga qaadi doono kuwa ku dhaqmaya falalka noocaas ah.

Waxayna gudigaan go’aansadeen in beeshu si deg deg ah jawaab uga bixiso xag dhaqaale iyo taagero gaar ahaan haweenka Mudulood ee ku nool dhamaan qurbaha. Waxayna isla goobta ku sameeyan gudigii dhaqaalaha. Waxaana halkan ka codsanaynaa in dhamaan haweenka Beesha Mudulood ee ku sugan qurbaha ay kaalintooda ka qaatan wax qabadka deeganada ay ku abtirsato beeshu.

Waxayna ka dhawaajiyiin inay dhow jeer gaarsiiyeen dhaqaale iyo daawo degaanada beeshu degto taas oo ah waajib muqadasa. Hadaba shirkaas ayaa waxaa lagu soo afjaray duco, buraanbur iyo waliba is afgarad. Shirkaan ayaa waxuu ku soo aaday iyadoo dhawr jeer uu gudoomiyaha beesha Mudulood ee North America Md. Caaqil koogaar ka codsaday dhamaan qurba joogta Mudulood inay wax ka qabtaan deegaanada ay aabaraha iyo dagaalada wax gaarsiiyeen.

W/D: Muqtaar Ahmed Mohamud (Katiitow)
Rochester, Minnesota
Katiitow@yahoo.com

RSTV NEWSROOM

Newsroom@rstvonline.com

13432093