Madaxweynaha dowladda FKMG ah oo qoraal ka soo saarey xildhibaanda Ku sugan Jubbada Hoose.

Haadal qoraal ah oo kasoo baxay xarunta Madaxtooyada ee  Villa Somalia ayaa  waxa uu tilmaamayey sida ay madaxtooyadu u aragto  Xildhibaano ka tirsan mudanayaasha baarlamaanka KMGS oo uu hogaaminaayo Coll Barre Hiiraale kuwaas oo maalmahaanba ku sugnaa magaalada Kismaayo.

Qoraal waxaa uu tilmaamayaa  in xildhibaanada uu hogaaminayo Barre Hiiraale oo maalmahaan ku suganaa magaalada kismaayo in aanay magaaladaa u joogin shaqo dowladdu u dirsatay isla markaana ay doowladu aysan ka war heynin waxa ay halkaasi ujoogaan. iyo hawlaha ay ka hayaan.

Qoraalka ayaa lagu xusay in howsha xildhibaanadaasi wadaan uu yahay mid iyaga la gaar ah isla markaana Doowlada ka warqabin waxa uu yahay iyo ujeedada ka danbeeyso.

Afhayeenka xukuumadda Cabdi Xaaji Goobdoon ayaa saxaafada u sheegay in qoraalkaasi dadka gobalada jubooyinka uga digayo in aaney ku marin habaabin hadalada iyo qorshaha ay wataan xildhibaanadaasi isla markaanaa ay ka feejignaadaan sida uu hadalka udhigay.

Xildhbaanadaasi uu hogaaminayo Barre Hiiraale ayaa horey usheegay in ay ujoogaan magaalada Kismaayo qorshe dhinaca nabada, kaasoo oo ay ku nabadeeynayaan gobolada Jubooyinka.
Waxaa warka mataxtooyada ka soo baxay uu ku soo beegmayaa xilli maanta afhayeenka beesha Sade Xasan Dheere uu sheegay in xildhbaanadaa aanay ku socon go'aan dowladeed oo ay wataan shaqo iskood ah.

 

Maxamed Hirsi (M/Yare)

RSTV NEWSROOM

Newsroom@rstvonline.com

13432093

© RSTV 2008. All Rights Reserved