Maamulka Gobolka Hiiraan oo ka warbixiyey qarax ka dhacey magaalada B/weyne.

Gudoomiyaha Gobolka Hiiraan Yuusf Axmed (Yusuf Dabageed) ayaa waxaa uu shir Jaraa'id ku qabtey xarunta maamulka ee gobolka Hiiraan ka dib markii magaaladaasi uu ka dhacey qarax weyn oo ay dadna ku dhinteen.

Shirkaasi jaraa,id  ayaa waxaa uu guddoomiyuhu ku faahfaahiyey sidii uu qaraxaasi u dhacey waxaana uu qaraxaasi sheegey inay ka dambeeyaan dadka ka horjeeda nabadda iyo deganaanshaha gobolka Hirraan.

Mudane Yusuf Axmed dabageed waxaa uu sheegay in qaraxaasi ay dhibaato ka soo gaartey dad aan waxba galabsanin oo shacab ah isla markaana dhimasho iyo burburba u gaysteen dadka caadiga ah waxaana uu sheegey in kooxahaasi haddii ay doonayaan dagaal inay isaga iyo dowladda la galaan ay yaqaanaan halka uu joogo ayna ugu yimaadaan.

Maanta mar sii horreysay ayey ciidamada maamulka gobolku oo kaashanaya ciidanka Itoobiya waxay qaadeen wax loogu yeerey hawl gal kaasi oo la doonayey in lagu soo qabto dadka looga shakiyey inay ka dambeeyaan qaraxyada iyo dilalka ka dhaca b/weyne waxaana halkaasi lagasoo qabtey dad tiradoodu kor u dhaaftey 10 qofood waxaana dadkaasi lagu xirey saldhigga Booliiska magaalada Baladweyne.
 

Maxamed Yare

Myare@rstvonline.com

RSTV NEWSROOM

Newsroom@rstvonline.com

13432093

© RSTV 2008. All Rights Reserved