John Edwards oo ah Musharrax ka socdey Xisbiga Dimoradiga ayaa ka ka fariistey tartankii madaxtinimada Mareykanka.

Senatorkii hore ee gobolka North Carolina John Edwards oo aad ugu mashquulsanaa inuu hanto jagada Madaxweyne nimada Mareykanka ayaa maanta ku dhawaaqey inuu iskaga harey tartankaasi oo uu dhinaca xisbiga Dimoqradiga ah ay isku hayeen Hillary Clinton iyo Barack Obama.

Ka tanaasulka uu Edwards ka tanaasuley doorashadaas ayaa waxaa durbadiiba ugu mahad celiyey labada Musharrax ee kala ah Mrs. Clinton iyo Obama oo iyagu codka kaga horreeyey Mr Edwards, waxaana ay labadoodu hadda ku dadaalayaan ianay helaan codadka dadkii Edwards taageersanaa waxaana la sheegeyaa in qofkii hela codadkaasi uu noqonayo mid awood u yeesha inuu si aad ah horumar ku gaaro oo uu dhaafo kan kale.

John Edwards ayaa lagu xusuustaa intii uu ku jirey ololaha doorashada inuu aad uga hadli jirey inuu Amerika ka suulin doono Fakhriga la harey dadka Mareykanka qaarkood isaga oo sheegey inuuu Amerika ka samayn doono nolo isu dheelli tiran waxaana uu mar walba booqanayey oo uu la hadli jirey dadka noloshoodu hooseyso.

si kastaba ha ahaatee waxaa maalmaha soo socda la sugayaa inuu John Edwards taageero labada Musharrax midkood si u u muujiyo midka uu isagu la dhacsan yahay mawqifkiisa waxaana ay taasi keeni doontaa in Musharraxa uu taageero siiyo laga yaabo inuu noqdo musharaxa ka soo baxa dhinaca Xisbiga Dimoqraadiga ah oo hadda ka taagan yihiin Barack Obama iyo Hillary Clinton.

RSTV NEWSROOM

Newsroom@rstvonline.com

13432093

© RSTV 2008. All Rights Reserved