Gudoomiyaha ahna duqa Beesha Waceysle ee gobolka Minnesota oo la doortay

Rochester, MN: Waxaa dhawaanahan ka socday shirar kale duwan gudaha North America iyo London shirar is daba jog ah kuwas oo looga xaajonayay midnimada Beesha Waceeysle iyo horumarinta deegaanada ay beeshu degto. dhawaan ayaa waxaaa kulan weyn lagu qabtay magaalada Rochester ee Gobolka Minnesota kulankaas oo ay soo xaadireen xubno ka koooban ganacsatada, duqeyda, aqoon yahanada, culuma'udiinka , iyo haweenka beesha Waceysle, Abgaal. Kulankaas waxaa lagu go'aamiyay in beeshu yeelato hal gudoomiye isla markaana ahaan doona duqa Beesha Waceysle ee Gobolka Minnesota waxaana loo magaacabay Xaaji Xuseen Jimcaale Cadde gudoomiyahaas ayay beeshu la shaqeyn doontaa isaga ayaana dooran doona xubnaha la shaqeyn doona, waxaa kaloo halkaas lagu ansixiyay in beeshu yeelato afar dhalin yaro oo aqoon yahano ah kuwaas oo iyagana matali doona beesha Waceysle.

Guntii iyo gabagabadii shirkaas ayaa waxaa ujeedada ugu weyn ay ahayd in beeshu yeelato meel lagala soo xiriiro iyadoo awal lahayd hadana la sii adkeeyay iyo waliba in beesha in walaalahooda Mudulood ay wax la wadaagaan samaanta iyo xumaantana ay is faraan iyo in waliba beesha gudoomiyaheeda uu xiriir la sameysto dhamaan beelaha walaalihiisa ah ee Mudulood iyo kuwa kale ee Soomaaliyeed.

Hadaba waxaa halkaas logu lafa guray sidii dhaqaale xoog leh loogu heli lahaa horumarinta ka socota deegaanada Beesha. Waxaana la doonayaa in gudoomiyaha cusub uu u tafa xayto sidii uu uga qayb qaadan lahaa dhismaha tayada leh ee ka soo iftiimay deegaanadii ay ka yimaadeen madaxdii soo martay beesha taas oo mudan inaan la hilmaami Karin in wax loo qabto waxna la baro ubadka ku nool dhamaan deeganada ay beeshu degto. Hadaba kulnkaas ayaa waxaa qadka Telefoonka uga qeyb qaatay ganacsatada beesha Waceeysle ee ku sugan Dalka Dubai kuwaas oo halgan dheer ugu jira siday u suurto gelin lahaayeen horumarka ka socda degaanka. Waxuu kulankaasi ku dhamaaday is af garad iyo duco.

 “Waxaana ugu baaqayaa dhamaan beesha Waceeysle ee qurbaha ku nool inay ka qeyb qaataan dhismaha iyo horumarinta deeganadooda.”ayuu yiri Hussein Jimcaale.

Wabillahi Towfiiq
W/D: Muqtaar Ahmed Mohamud “Katiitow”
 

RSTV NEWSROOM

Newsroom@rstvonline.com

13432093

© RSTV 2008. All Rights Reserved