Guddoomiyihii gobolka Hiiraan oo diidey inuu xilka iska wareejiyo.

Gudoomiyihii hore ee gobolka Hiiraan Yuusuf Axamed Hagar Dabageed waxaa uu maanta sheegay in uusan sina Xilka u wareejin doonin  kadib markii shalay wareegto ka usoo saarey xafiiska Ra’isul Wasaaraha Soomaaliya Nuur Cadde laguna sheegay in xilkii laga qaaday dad badan oo ka mid ahaa maamulkii Hiiraan.

saacado  kadib ayaa gudoomiyhii hore ee Gobolka Hiiraan Yuusuf Axmed Hagar (Yuusuf Dabageed) oo la hadlayay Warbaahinta Gudaha waxaa uu sheegay in uusan Ra’isul Wasaare Nuur Cadde ka qaadi karin isla markaana uusan wax xil ah uusan dhiibi doonin.

“Waxaa I soo magacaabay Madxweeynaha Waxaana xilka iga Qaadi kara Madaxweeynaha Nuur Caddena xil igama qaadi karo waxaan xilka ka degaayo ma jirto” Ayuu Yiri Yuusuf Dabageed.

Yuusuf Dabaged ayaa sidoo kale sheegay in ay dhibaatooyin kala duwan uu kala kulmay xiligii uu xilka hayay isla markaana ay kaga baxday hanti fara badan in xil laga qaadana aysan munaasib aheeyn xiligan.

Yuusuf dabageed waxaa uu hadalkani sheegey isaga oo jooga magaalada lagu magacaabo waxaana uu sheegay in deegaankasi ay u joogaan Arimo Amaan Sugid ah.

Shalay goor dambe ayuu R/wasaaraha Soomaaliya waxaa uu saarey wareegto uu maamul cusub ugu magacaabayo gobolka Hiiraan waxaana ay taasi ka dambeysay markii maalmihii ina dhaafey gobolkaasi aaney ka jirin wax maamul ah oo shaqeynayey.

 

RSTV NEWSROOM

Newsroom@rstvonline.com

13432093

© RSTV 2008. All Rights Reserved