Dagaal ka dhacay gobolka Hiiraan meelo ka mid ah oo ay dad ku dhinteen.

Dagaalka ayaa ka dhacay deegaanada Garisiyaani iyo Nuur-fanax, halkaas oo lagu weeraray ciidamada Ethiopia oo marayay wadada dheer ee laamiga ah ee isku xirta koonfurta iyo Bartamaha Soomaaliya kadib markii ay ka soo baxeen degmada Buuloburte ee gobolka Hiiraan.

Dagaalkan, oo la sheegay in uu ahaa kii ugu cuslaa, ayaa waxaa uu khasaaare ba'an u gaystay dadka rayid ah ee deegaanka lagu dagaalamay, oo maalmihii ugu dambeeyay ay halkaasi u yimaadeen roobab dhawaantan ka da'ay waxaana ay reer miyigu doonayeen inay daaqaan dhulkaasi.

Dagaalka ayaa waxa la sheegay inuu ku dhintay hogaankii maxkamadaha ee gobolka Hiiraan oo lagu magacaabi jirey  Sheikh Aamin Barkhadle.

Afhayeen u hadlay maxkamadaha ayaa shaaca ka qaadey  in ay dhinaca ciidamada Ethiopia u gaysteen khasaare oo ay ka gubeen laba baabuur iyo ciidankii saarnaa hase yeeshee waxaa adag sida lagu caddeeyo khasaaraha gaara ciidanka Itoobiya waxaana la rumaysan yahay in dagaalkaasi uu ahaa mid adag kaasi oo dhexmarey kooxaha ku gacsan dowladda iyo ciidamada Itoobiya waxaana maalmahan dambe la arkayey dagaalo ka dhaca meelo ka baxsan Muqdisho.
 

RSTV NEWSROOM

Newsroom@rstvonline.com

13432093

© RSTV 2008. All Rights Reserved